Skip Navigation Links
Loading
Bahaji laukgrímur

Bahaji laukgrímur

Forréttakokkar verða þau Magnús og Anna Helga og þau munu bjóða okkur upp á Bahaji laukgrímur ásamt sprittsósu með 100% hreinni myntu.

Nefndin er á fullu að velja úr ótal uppskriftum og mun næsta uppskrift verða birt á morgun. Nefndin vill auk þess auglýsa eftir sérstaklega skemmtilegum skemmtiatriðum, áhugasumar geta sótt um á Facebook viðburðinum.

Innihald

Bahaji laukgrímur
  • 2 stórir laukar eða 3 minni
    (má vera rauðlaukur og/eða hvítur laukur í bland)
  • 200gr kjúklingabaunamjöl (chickpea flour) (má nota venjulegt hveiti í staðinn)
  • 1 tsk lyftiduft
  • 1 tsk túrmerikduft
  • ½ tsk nigellufræ (má sleppa)
  • ½ tsk chilliduft
  • ½ tsk cumminduft
  • ½ tsk kóríanderduft eða ca. hnefafylli saxað ferskt kóríander
  • ½ tsk salt
  • 2 ¼ dl vatn Olía til steikingar 
Sprittsósa með 100% hreinni myntu
  • 2 hnefafylli ferskt kóríander
  • 1 hnefafylli fersk mynta
  • 2-3 hvítlauksgeirar
  • 2 ½ cm bútur ferskt engifer
  • 1 grænn chilli
  • 1 ½ msk sítrónusafi
  • 2-3 msk vatn
  • ½ tsk cumminduft
  • Salt og sykur eftir smekk
  • Límónusafi
Aðferð

Bahaji laukgrímur
  1. Afhýðið laukana og skerið í þunnar sneiðar
  2. Skolið laukinn í köldu vatni og þerrið
  3. Blandið kjúklingabaunamjölinu og öllum þurrefnunum saman
  4. Bætið vatni út í og hrærið þannig að úr verði deig álíka þykkt og lummudeig
  5. Bætið lauknum út í og hrærið vel saman þannig að deigið þekji laukinn
  6. Hitið olíuna í potti eða djúpri pönnu eða notið djúpsteikingarpott
  7. Notið 2 skeiðar og setjið kladda af deiginu í olíuna, 3-4 kladda í einu og snúið við til að þeir steikist báðum megin
  8. Steikið þar til gullinbrúnt á litinn
  9. Látið mest af olíunni renna af á eldhúspappír og berið fram með myntusósu.
Sprittsósa með 100% hreinni myntu
  1. Setjið kóríander í matvinnsluvél (stilkarnir mega vera á því) og saxið aðeins
  2. Fjarlægið sverustu stilkana af myntunni
  3. Bætið restinni út í matvinnsluvélina og blandið vel þannig að sósan verði jöfn og fallega græn
  4. Smakkið til með límónusafanum.

Kromby
sunnudagur, 8. nóvember 2020


Hress.Org
hress hjá hress.org
Copyright © 2012 Guðjón Karl Arnarson